المكونات:
زيت للقلي
صدور دجاج
مكونات تتبيلة الفراخ
١ ونصف كوب دقيق
١ عدد بياض بيض
١ معلقة صغيرة ملح
١ معلقة صغيرة فلفل أسود
١ ونصف كوب نشا
١ كوب مياه
مكونات صلصة البرتقال
ثوم مهروس
جنزبيل فريش
١ فلفل ألوان من كل لون
ربع كوب خل
ثلث كوب صويا صوص
٣ معلقة كبيرة عسل أبيض
١ كوب عصير برتقال فريش
٢ معلقة كبيرة كاتشاب
٢ كوب مياه
٢ معلقة كبيرة نشا
٢ كوب بقسماط
طريقة التحضير:
الخطوة الأولى:
نقطع صدور الفراخ مكعبات ونخلط جميع مكونات التتبيلة.
الخطوة الثانية:
نضيف التتبيلة على الفراخ ونحطها في التلاجة لمدة نص ساعة وبعدها نحطها في بقسماط ودقيق.
الخطوة الثالثة:
في طاسة على النار نسخن الزيت ونقلي الفراخ.
الخطوة الرابعة:
في طاسة تانية علي النار نسخن زيت ملعقتين ونضيف الثوم والزنجبيل والفلفل الألوان ونقلبهم مع بعض.
الخطوة الخامسة:
في بولة نضيف الصويا صوص والخل والكاتشب والعسل والمياه والنشا ونخلطهم كويس ونضيفهم علي الطاسة.
الخطوة السادسة:
بعدها نضيف الفراخ ونقلبهم لحد ما الصوص يتقل ونقدمها مع أرز أبيض أو بسمتي وبالهنا والشفا.