المقادير:
✅للعجينة:
- كأس و نص حليب
- كأس غير ربع زيت
- كأس سميد رقيق
- علب واحدة ياغوورت طبيعي
- خميرة الحلويات
- معلقة كبيرة خميرة خبز
- بيضة
- الملح -وشوية السكر
- الدقيق حسب الخليط.
-زيتون اخضر مقطع دوائر
-فرماج محكوك
- معدنوس مقطع رقيق و زيت زيتون.
- صلصة طماطم
✅ طريقة التحضير:
⬅️ بالنسبة للعجينة: نخلط الحليب دافىء و الزيت و الياغوورت و البيض و الملح و و السكر و الخميرة بنوعيها و نخلطوا مزيان نزيدو كأس السميد و نخلطوا مزيان و من بعد نجمعو٧ا بالدقيق حتى نحصلوا على عجينة طرية و تتلاسق شوية ندلكوها مليح و نخلوها تخمر·
⬅️ صلصة الطماطم:
1- حبة بصل صغيرة مقطعة على ربعة - حبة فلفل حلو مقطعة - ثلاث حبات مطيشة نديروهم في الماء يتسلقوا حتى ينقص الماء و تبقى نص الكمية نطفو عليها ونطحنوا الكل.
2- في مقلة نديرو شوية زيت و نحكوا ثلاث ثوم و نقلوهم مزيان من بعد نزيدو معلقة كبيرة ماش عامرةمطيشة الحك و نقلوهم و من بعد نزيدو الصوص لي حضرنا نزيدولها ورقة الرند الابزار و زعيترة . (اذا جاتكم مسوسة زيدو شوية ملح) نخلوها طيب كي تختر نطفو عليها.
ملاحظة: اذا جاتكم الصوص حامضة زيدوا معلقة صغيرة سكر
◀️ بعد ما تخمر لعجينة نجيب البلاطو تاعي ندهنه بالزيت و نرشه بالسميد و نسرحوا لعجينة فيه (اذا البلاطو تاعكم الصغير قسموا لعجينة ماديروهاش كامل فيه) ندير صلصة الطماطم فوقها فرماج حسب الرغبة و نزيد فوقها المعدنوس مقطع رقيق. و نزيدو قطرات زيت زيتون من فوق و ندخلوها طيب في الفرن لي كنا شعلناها من قبل نار قوية و سخناها مليح مليح.
بعد ما طيب البيتزا تاعي نطفي النار و ونضيف ليها الفرماج محكوك و فوقه زيتون مقطع دوائر و نرجعوها للفرن بعد ما نطفوا النار باش يدوب الفرماج
و بالصحة و الراحة