0 تصويتات
في تصنيف دردشة بواسطة

نصيحه لوجه الله لكل ست بيت معنا وخدي منى الكلمتين دول بعد تجارب وحكايات كتير سمعتها

اتمسكى بيبتك

اتمسكى ببيتك على قد ما تقدرى

لافيكى حيل ولا صحه ولا عمر تفتحى بيت جديد

ولا تكونيش فاكره بيت ابوكى لسه ليكى مكان فيه ؟!☹️

متبقيش طيبه زياده عن اللزوم

مهما كنتى خفيفه برده تقيله

. كفايه الهم اللى هتسحبيه فى ديلك وانتى راجعه بيت ابوكى

اللى ما صدقو فضو مكان لغيركوحتى لو فيه مكان برضو هتحسى انك غريبه وخصوصا لو اخواتك لسه موجودين هيحسوا انك زاحمتيهم فى بيتهم

وهيضيقوا منك ومن عيالك.

عيالك ابوهم اولى بيهم وبيتهم هو اللى هيستحملهم.

علشان كدا بقولك بيتك . امسكى فيه بايدك وسنانك . . صلحيه . اعدليه . ابنيه بنايه صالحه

البنايه مش حيطان وبلاط . البنايه حب وعشره واحترام

معلش ا،ستحملى سخافات جوزك ماهو لو رجعتى بيت ابوكى ياما هتستحملى بردوا عاملى جوزك برفق ولين

اوعى تكونى فاكره لما تراقبى جوزك وتدورى وراه تبقى كده بتحمى بيتك

صدقنى اللى عاوز يخون هيخونمهما تعملى مش هتقدرى تغيرى طبعه .فاعملى نفسك مش واخد بالك علشان الحياه تمشى وفتره وبأذن الله هتعدى ويفوق منها ماهى الرجاله اتهبلت بسبب الستات اللى مش بيخافوا ربنا وبيعرضوا نفسهم ع النت ادعيلوا انتى بس انتى اصيله يا قمر

المهم تحافظى انتى على نفسك . دينك . ولادك . نفسك. صحتك . نفسك . مستقبلك . نفسك . عقلك . رأيك . نفسك . نفسك . نفسك واوعى تقولى اشمعنى هو وانا هعمل زيه

خافى ربنا حبيبتى فهمانى .المهم نفسك اولا واخيرا فى تقوى الله علشان يباركلك فى اوللدك

لا زوج ولا اهل ولا مجتمع ولا اى حد هينفعك

اللعبه كلها بتكمن انك تسدى ودانك وخلاص لحد ما يفوق من غيبوبه المعاصى وامشى بمبدأ اعمل الصح.وامشى عدل يحتار عدوك فيك

خدى بالك من اولادك حافظى على البيت علشان خاطرهم..وجزاءك هتلاقيه عند ربنا ان شاء الله

علشان تفكرى تهدى بيتك لازم تكونى جاهزه لبناء غيره طب جاوبى عليا الاول

معاكى فلوس ؟

عندك وظيفه؟

1 إجابة واحدة

0 تصويتات
بواسطة

قادره تحمى نفسك وتقفى فى وش التيار ؟

هتقدرى تربى لوحدك العيال

خدى بالك لانك مجرد ما تخلعى

واحده تانيه هتتحط مكانك وساعتها لا هيكون عنده وقت ولا فلوس لاولادك

الحياه مش رجل بس لوحده الحياة فيها اشياء كتيره حلوه غيره .بصى لولادك

بالدنيا ومافيها 

اتعلمى وثقفى نفسك

العلم اقوى سلاح

العلم مش حتة شهادة فيها تقدير

العلم قوه . حياه . مستقبل . باب بيفتح ليكى كل عالم الابواب ولو مكنش هيتفتح دلوقتى صدقينى هيجيله وقت ويتفتح بس خليكى دايما مستعدة .محدش عارف الجاى فيه ايه

وياكى . سامعه ؟

اياكى تركزى على اصلاح اللى حواليكى قبل ما تصلحى نفسك

شوفى الناقص عندك فين وكمليه

عقلك نميه. بيتك . عمريه . ولادك .صاحبيهم . جوزك . خفى من على ودانه وافردى بوزك .وعامليه زى ايام الخطوبه فكرااها

حماتك . خفى تعومى وحاضر بتريح

متحوشيش وتحرمى نفسك واولادك .وتحرمى جوزك من العيشه اللى نفسه يعيشها لأنه هيدور عليها مع غيرك.

.دلعى جوزك ...افرشى بيتك باحسن المفروشات طلعى المفارش اللى انت شايلاها طلعى طقم الصيني اللى شايلاه في المتحف اللى اسمه النيش ..

اسقيه الشاي في طقم الشاي مش خساره فيه حسسيه أن الدنيا حلوه معاكى وهو سيد الرجاله

اهتمي بنفسك . انا عارفه انك مبتجبيش هدوم جديده والا بتروحى. للكوافير والا بتجيبى مكياج

والا بتجيبى كريمات لزوم الترطيب وماشيه مقشفه

علشان توفري له بس دا يتحسب ضدك مش ليكى

لأنه بيبص بره للستات بتبرق.وانتى بالنسبه له واحد صاحبه قاعد معاه فى البيت

عايشه في دور الشغاله وجلابيه الشغاله.فارجوكى

اهتمى بنفسك.. اهتمي بنفسك

انتى نقطة البداية

عمممممرى . ما تهدييش

الله يسترك . مش هيبقى نكد وتجاعيد

اتمنى لكم حياه سعيده.وبيت هادئ.وربنا يهدى سركم انتم وازوجكم

ونقول كمان متخرببش بيتك .تمسكى بيبتك.وباولادك هما سندك فى الحياة..

مرحباً بكم في موقع اسالني وانا أجاوبك اجابتك عندنا، حيث يمكنك طرح الأسئلة وتلقي الإجابات من أعضاء المجتمع الآخرين. أسئلة سهلة، أسئلة عامة، أسئلة وأجوبة، أسئلة عامة صعبة، أسئلة شخصية، أسئلة دينية، أسئلة مسلية، أسئلة مضحكة

اسئلة متعلقة

...