المقادير:
⁃ كوب ماء دافي
- كوب حليب دافي
- معلقة كبيرة خميرة
- معلقة كبيرة سكر
- 3 كوب دقيق (ممكن أقل)
⁃ كوب دقيق سميد ناعم
طريقة التحضير:
⁃ في طبق كبير حطي الماء الدافي والحليب الدافي وضيفي السكر والخميرة واخلطيهم مع بعض كويس.
- ضيفي عليهم كوب واحد من الدقيق الأبيض وكوب من دقيق السميد واخلطيهم كويس وبعدين غطي الطبق بكيس بلاستيك وسيبي العجينة ترتاح 10 دقايق.
- بعد 10 دقايق ضيفي كمية الدقيق الأبيض المتبقية شوية شوية واعجني كويس جداً لحد ما تحصلي على عجينة ناعمة وطرية وبعدين غطي وسيبيها تخمر لمدة 20-30 دقيقة.
- على رخامة مرشوشة دقيق أبيض قسمي العجينة لكرات متساوية الحجم.
- بإستخدام النشابة افردي كل كرة على رخامة مرشوشة سميد ناعم وشكليها دائرة بسمك 1 سم تقريباً ورشي سميد من فوق برضة وانتي بتفرديها.
- غطي دوائر العجين لمدة 20-30 دقيقة.
- سخني طاسة تيفال على نار متوسطة، وحطي عجينة البطبوط، وهتلاحظي انتفاخ العجين، قلبي العجين على الوجهين، لحد ما يستوي ويتحمر.
- احشي البطبوط بأي حشوة تحبيها وممكن تقدميه مع الفطار او العشاء وممكن تحتفظي بيه في الفريزر كمان.