المقادير:
- 4 كوب ونصف دقيق متعدد الأستخدامات
- معلقة كبيرة خميرة فورية
- نصف كوب ماء بدرجة حرارة الغرفه
- معلقه صغيره سكر
- كوب ونصف حليب بدرجة حرارة الغرفه
- نصف كوباية سكر
- 2 معلقه صغيره ملح
- نصف معلقه صغيره بيكينج صودا
- ربع كوب زبده مذابه
طريقة التحضير:
- نضيف الخميره والمياه والسكر ونقلبهم براحه بمعلقه خشب. نسيبها تعلى لمدة 5 دقايق وبعديم نضيف الحليب والسكر والملح والبيكنج صودا والزبده المذابه، ونخلطهم مع بعض كويس. نضيف الخميره وبعدين الدقيق ، نعجنهم مع بعض على سرعه منخفضه باستخدام العجانه لحد ما العجينة ناعمه جدًا.
- نستمر ف العجن على سرعه منخفضه، وبعدين نخلي السرعه متوسطه لحد ما العجينه تبقا طريه ولزجه.
- في حالة لو هنعمل العجينه بايدينا، هنعجنها ونقلبها على سطح مرشوش بالدقيق من 4 إلى 5 دقايق لحد ما العجينه تبقا ناعمة ولزجه.
- نغطي العجينه بكيس بلاستيك ونسيبها في مكان دافي ساعه او لحد ما يتضاعف حجم العجينه.
- نسحب العجينه على سطح مفروش دقيق. نعجنها عجنه سريهه ونشكلها كوره كبيره.
- نقطع العجينه نصين، ونقسمها القطع إلى ٦ قطع متساوية في الحجم ونلف كل قطعه على ورقة زبده ونرصهم في الصينيه ونغطيها ونسيبها لمدة 20 دقيقه وبعدين ندهن السطح بالزبده براحه خالص باستخدام الفرشاه.
- ندخل الصينيه الفرن ويكون متسخن على درجة حراره 180 ونخبزها لمدة 22 دقيقه تقريبًا لحد ما تستوي وتاخد لون دهبي ونسيبها تبرد ربع ساعه قبل التقديم